શિયાળાની ઋતુમાં ભૂલથી પણ ચેહરા પર ન લગાવો આ 5 ચીજો, નહિં તો થઈ શકે છે નુક્સાન

હેલ્થ

શિયાળાની ઋતુમાં લગભગ દરેકને ત્વચાની શુષ્કતાની સમસ્યા હોય છે. આ સાથે શિયાળની ઋતુમાં ચહેરો નિર્જીવ અને કાળો દેખાય છે. તેથી આ સીઝનમાં ત્વચાની સંભાળ રાખવી ખૂબ જ મહત્વપૂર્ણ છે. તેથી છોકરીઓ કેટલીક ખાસ ચીજોનો ઉપયોગ કરે છે, પરંતુ કેટલીકવાર આવી ચીજોના ઉપયોગથી ત્વચામાં નકારાત્મક પરિણામ મળે છે. તેનાથી ચેહરો સુંદર બનવાની જગ્યાએ કાળો પડવા લાગે છે. તો ચાલો જાણીએ તે કઈ ચીજો છે, જેનો શિયાળાની ઋતુમાં ત્વચાની સારસંભાળ માટે ઉપયોગ ન કરવો જોઈએ.

સંતરા: શિયાળાની ઋતુમાં છોકરીઓ તેમની ત્વચા માટે ખૂબ ગંભીર હોય છે. આવી સ્થિતિમાં તે ઘણી વાર સંતરાની છાલનો પાઉડર બનાવીને ચેહરા પર લગાવે છે, પરંતુ આવું કરવું ખોટું છે. કારણ કે સંતરામાં સાઇટ્રિક એસિડ હોય છે, જેને ચહેરા પર લગાવવાથી ચહેરાનો રંગ કાળો થવા લાગે છે.

બીયર: કેટલીક છોકરીઓ ચહેરાને સુંદર બનાવવા માટે બીઅરનો ફેસપેક બનાવીને લગાવે છે, પરંતુ આ કરવાથી ચહેરાની ત્વચા તેની સુંદરતા ગુમાવે છે અને ત્વચામાં ડ્રાઈનેસ આવવા લાગે છે. જેનાથી ચેહરો સંપૂર્ણ રીતે શૂકો, નિર્જીવ અને કાળો થઈ જાય છે.

લીંબુ: જે છોકરીઓની સ્કીન ઓઈલી હોય છે, તે ઘણીવાર પોતાની સ્કીન પર જામેલા એક્સટ્રા ઓઈલને સાફ કરવા માટે લીંબૂનો ઉપયોગ કરે છે. તમને જાણીને આશ્ચર્ય થશે કે આવું કરવું ચેહરા માટે બિલકુલ પણ લાભદાયક નથી. લીંબુમાં હાજર સાઇટ્રિક એસિડ ત્વચામાં શુષ્કતા વધારે છે. કેટલાક કિસ્સાઓમાં ખંજવાળ અને બળતરાની સમસ્યાનો પણ સામનો કરવો પડે છે.

ખાવાનો સોડા: જો તમે ચહેરા પર બેકિંગ સોડાનો ઉપયોગ કરો છો તો એવું બિલકુલ પણ ન કરો. બેકિંગ સોડાના ઉપયોગથી ચહેરો ડાર્ક થવા લાગે છે. તેમજ સ્કીન સંબંધિત અન્ય સમસ્યઓનો સામનો પણ કરવો પડે છે.

ફુદીનો: શિયાળાની ઋતુમાં ફુદીનાનો સ્કીનની સંભાળ રાખવા માટે ઉપયોગ કરવો સારું માનવામાં આવતું નથી. તેનાથી ચેહરો સુંદર બનવાની જગ્યાએ ડ્રાઈ બનવા લાગે છે. સાથે જ ડાર્કનેસનો પણ સામનો કરવો પડી શકે છે. તો હવે તમે વિચારી રહ્યા હશો કે શિયાળામાં ત્વચાની સંભાળ રાખવા માટે કઈ ચીજોનો ઉપયોગ કરવો જોઈએ ચાલો જાણીએ તેના વિશે.

કાચું દૂધ: થોડું કાચું દૂધ હાથમાં લો અને ચહેરા પર 7 થી 10 મિનિટ સુધી મસાજ કરો. આ પછી નવશેકા પાણીથી ચેહરો ધોઈ લો. આ કરવાથી ચહેરાના ડેડ સેલ્સ દૂર થઈ જાય છે અને ચહેરો સુંદર બને છે. જણાવી દઈએ કે દૂધમાં હાજર પોષક તત્વો ત્વચાને સુંદર બનાવવા માટે ખૂબ મદદગાર છે. કાચા દૂધના મસાજથી દાગ, પિંપલ, સ્કીનની વગેરે સમસ્યાઓ દૂર થાય છે અને ત્વચા સાફ અને સુંદર બને છે.

એલોવેરા જેલ: એલોવેરા ત્વચાની બધી સમસ્યાઓ માટેનો રામબાણ ઈલાજ છે. જો કે એલોવેરાનો ઉપયોગ દરેક ઋતુમાં કરી શકાય છે, પરંતુ શિયાળાની ઋતુમાં તેનું મહત્વ વધી જાય છે. શિયાળામાં સૂતા પહેલા દરરોજ તમારા હાથમાં 1 ચમચી એલોવેરા જેલ લો અને તેનાથી મસાજ કરો અને સવારે નવશેકા પાણીથી સાફ કરો. એલોવેરા જેલ ડેડ સેલ્સને દૂર કરે છે અને ત્વચાને પોષણ મળે છે. તેનાથી શુષ્કતા, બળતરા, ખંજવાળ જેવી સમસ્યા દૂર થાય છે અને સ્કીન ગ્લો કરવા લાગે છે.

ઓલિવ ઓઈલ: ઓલિવ ઓઈલ શિયાળાની ઋતુમાં ત્વચા માટે પણ ખૂબ ફાયદાકારક છે. જો શિયાળાની ઋતુમાં ઓલિવ ઓઈલ લગાવવામાં આવે તો તેનાથી ત્વચાને પોષણ મળે છે છે અને ત્વચાની શુષ્કતા દૂર થાય છે. જો તમારા ચહેરા પર ફોલ્લીઓ, પિંપલ, દાગ અથવા ડાર્ક સર્કલ છે, તો પછી ઓલિવ ઓઈલ શ્રેષ્ઠ ઉપચાર છે. મુલ્તાની માટી અને ચણાના લોટમાં થોડું ઓલિવ તેલ મિક્સ કરી ચહેરા પર લગાવો અને થોડા સમય પછી ચહેરાને સાફ પાણીથી ધોઈ લો. આ કરવાથી, ચહેરો ગ્લો કરે છે.

Leave a Reply

Your email address will not be published.